ERP texnologiyası ilə sadə və sürətli idarəetmə

Inlab olaraq, biznes proseslərinizi daha çevik, inteqrasiya olunmuş və nəticəyönlü şəkildə idarə etməyiniz üçün modern ERP həlləri təqdim edirik. Hər bir modul real ehtiyaclara uyğunlaşdırılmış şəkildə qurulur.

ERP sistemləri ilə ağıllı biznes həlləri

Maliyyə, İnsan Resursları, Təchizat zənciri, Anbar və Müştəri münasibətləri kimi əsas sahələr üzrə təqdim etdiyimiz ERP əsaslı biznes həlləri sayəsində müəssisənizin bütün proseslərini bir platformada birləşdirə bilərsiniz. Avtomatlaşdırılmış yanaşma, real vaxt analitikası və lokal tələblərə uyğun strukturla sizə yalnız sistem deyil, dayanıqlı idarəetmə və nəticə qazandırırıq.

Maliyyə sistemlərinin idarəetməsi

Mühasibatlıqdan analitikaya qədər bütün maliyyə proseslərini vahid platformada birləşdirin. Real vaxt hesabatlar, KPI-lar və çoxvalyutalı dəstək ilə biznesinizi daha dəqiq idarə edin.

Avtomatlaşdırılmış proseslər:
Kreditor, debitor və baş kitab əməliyyatlarını avtomatik şəkildə idarə edin.
Dərin maliyyə baxışı:
KPI və panellərlə maliyyə vəziyyətinə anında baxış əldə edin.
Standartlara uyğunluq:
ƏDV, IFRS və GAAP kimi standartlara uyğunluğu qoruyun.
Miqyaslana bilən arxitektura:
Çox valyutalı və çox qurumlu strukturlara rahat uyğunlaşın.

İnsan resurslarının idarə edilməsi (HCM)

Komandanızın gücünü artırın, insan kapitalınızı strateji üstünlüyə çevirin. HCM sistemləri vasitəsilə işçilərin cəlb olunmasını, saxlanmasını və inkişafını effektiv şəkildə idarə edin.

Avtomatlaşdırılmış proseslər:
Maaş, məzuniyyət və HR əməliyyatlarını avtomatlaşdırın.
Fərdiləşdirilmiş inkişaf:
İşçilər üçün fərdi inkişaf planları qurun və istedadları dəstəkləyin.
Birləşdirilmiş məlumatlar:
HR məlumatlarını biznes strategiyası ilə inteqrasiya edin.
Uyğunlaşdırılmış sistemlər:
Yerli qanunvericilik və qlobal siyasətlərə uyğun HR sistemi qurun.

Təchizat zəncirinin idarə edilməsi (SCM)

Alışdan çatdırılmaya qədər olan bütün təchizat mərhələlərini vahid sistemdə izləyin və idarə edin. Süni intellekt və analitika ilə məhsullara nəzarəti gücləndirin, prosesləri sürətləndirərək işinizin səmərəliliyini artırın.

Proqnozlaşdırıcı yanaşma:
Tələbatı öncədən təxmin edin, risklərin qarşısını alın.
İnteqrasiya olunmuş idarəetmə:
Bütün təchizat proseslərini ERP-də birləşdirin və idarəni mərkəzləşdirin.
Operativ uyğunlaşma:
Dəyişikliklərə operativ uyğunlaşın, sabitliyi qoruyun.
Uzunmüddətli və effektiv təchizat:
Xərclərə nəzarət edərək şirkətiniz üçün dayanıqlı təchizat sistemi qurun.

Anbar idarəetmə sistemi (WMS)

Anbar proseslərini izləyin, məhsullara tam nəzarət edin. WMS Anbar İdarəetmə Sistemi ilə anbar hərəkətlərini real vaxtda idarə edin və səhvləri minimuma endirin.

Optimallaşdırılmış anbar idarəetməsi:
Məhsulların düzgün yerlərdə saxlanmasını və vaxtında yenilənməsini sistem avtomatik olaraq təşkil edir.
Mobil tətbiq dəstəyi:
Anbar işçilərini mobil cihazlarla təmin edin, prosesləri daha sürətli və çevik idarə edin.
360° izləmə bacarığı:
Hər məhsulun hərəkətini anbar daxilində izləyin və istənilən mərhələdə statusu görün.
Effektiv əməliyyatlar:
Avtomatlaşdırma ilə xərcləri azaldın, əməliyyat dəqiqliyini artırın.

Müştəri münasibətlərinin idarə edilməsi (CRM)

Müştərilərinizi daha yaxından tanıyın, satış komandalarınızı gücləndirin. Müştəri münasibətlərinin idarə edilməsi (CRM) vasitəsilə satış dövrünü izləyin, potensial müştəriləri effektiv yönləndirin və gəlirinizi artırın.

Satış idarəetməsi:
Əlaqələri və satış imkanlarını mərkəzləşdirilmiş şəkildə idarə edin.
Ağıllı analitika:
AI ilə əsas müştəriləri seçin, gəliri dəqiq proqnozlaşdırın.
Mərkəzləşdirilmiş məlumat:
Müştəri məlumatlarını vahid platformada toplayın.
Avtomatlaşdırılmış proseslər:
Rutin işləri avtomatlaşdırın, satışa fokuslanın.

ERP Modellərimizlə Biznesinizi Optimallaşdırın!

Dünyanın ən güclü ERP sistemlərindən biri olan Priority ilə əməliyyatlarınızı vahid platformada idarə edin. Mobil ERP-dən AI təhlilinə, anbar və layihə idarəetməsindən ödəniş həllərinə qədər bütün prosesləriniz real vaxt məlumatı və tam inteqrasiya ilə birləşir. Hər modul biznesinizin sürətini, şəffaflığını və ölçülə bilən nəticələrini artırmaq üçün nəzərdə tutulub.

Mobil ERP

Priority Mobil ERP rəhbərlər və komandalar üçün tam çeviklik yaradır. Real vaxt məlumatı, AI tövsiyələri, offline işləmə və satış–logistika–servis proseslərinin inteqrasiyası tək mobil tətbiqdə toplanır. Komandanız harada olursa-olsun əməliyyatlar fasiləsiz davam edir.

ERP Layihə İdarəetməsi

Priority ERP Layihə İdarəetmə modulu planlaşdırmanı, büdcə nəzarətini, tapşırıqları və icranı vahid platformada birləşdirir. Xərcləri, mərhələləri və riskləri real vaxtda görün, komanda əməkdaşlığını gücləndirib qərarları daha dəqiq verin.

Avadanlıq İcarəsi üçün ERP

Priority ERP avadanlıq icarəsini tam nəzarətə almağa imkan verir: mövcudluğu real vaxtda görün, rezervasiya və sifarişləri idarə edin, əməliyyatları avtomatlaşdırın və hesab-fakturanı sürətləndirin. Daha az əl işi, daha çox dəqiqlik və daha səmərəli idarəetmə.

ERP Anbar İdarəetmə Sistemi

Priority WMS inventar hərəkətlərini izləyir, yığım və yerləşdirməni optimallaşdırır, səhvləri minimuma endirir və qərarverməni sürətləndirir. Bütün anbar əməliyyatları vahid ERP platformasından idarə olunur, daha yüksək dəqiqlik, daha sürətli logistika və tam görünürlük təmin edir.

AI ERP

aiERP əməliyyat axınlarını avtomatlaşdırır, gecikmələri minimuma endirir və müəssisələrə daha sürətli qərar vermək imkanı yaradır. Təbii dillə sorğular, maşın öyrənməsi ilə proqnozlar və ağıllı planlama sayəsində biznes prosesləri fasiləsiz və daha çevik şəkildə işləyir.

Portal Generatoru

Priority Portal Generator sayəsində kod yazmadan biznes proseslərinizi web portalına çevirə bilərsiniz. Müştərilər, təchizatçılar və əməkdaşlar üçün fərdiləşən, mobil uyumlu portallarla məlumat və əməliyyatlara istənilən yerdən çıxış əldə edin.

Analitik Hesabatlar və Biznes Məlumatlarının Təhlili

Priority Analytics ilə məlumatları saniyələr içində analiz edin, vizual hesabatlar yaradın və biznesinizi daha dəqiq qərarlarla idarə edin. Texniki bilik tələb olunmur, sadə interfeys, real vaxt görünürlük və çevik analitika ilə proseslərinizi optimallaşdırın.

Çatdırılmanın Təsdiqi (POD) Mobil Tətbiqi və İnkişaf Etmiş Çatdırılma Planlaşdırılması (ADP)

POD və ADP ilə çatdırılmaları ağıllı və nəzarətli şəkildə idarə edin. Offline imza, avtomatik marşrutlama və real vaxt sinxronizasiyası ilə logistikanı sürətləndirin. Marşrutları xəritədə görün, tapşırıqları rahat yönəldin və prosesləri daha dayanıqlı edin.

ERP Ödəniş Həlli

Priority ERP Ödəniş Həlli ilə müştəri ödənişlərini vahid platformada sürətli və təhlükəsiz şəkildə idarə edin. Kredit kartı, PayPal, Apple Pay və digər metodlar tam inteqrasiya olunur, pul axınını şəffaflaşdırır və müştəri təcrübəsini gücləndirir.

3 addımda biznesinizi rəqəmsallaşdırırıq!

1 Konsultasiya və təhlil

Biznes modelinizi analiz edir, uyğun ERP həllini müəyyənləşdiririk.

2 ERP tətbiqi və uyğunlaşdırma

Priority ERP və Oracle Cloud sistemlərini biznesinizə uyğun fərdiləşdiririk.

3 Dəstək və optimallaşdırma

İstifadəyə verildikdən sonra fasiləsiz dəstək və optimallaşdırma təmin olunur.

Sürətli ERP keçidi üçün hazırsınız?

Inlab ilə texnologiyanı xərclərə deyil, nəticəyə çevrilən bir sistemə çevirin. İndi əlaqə saxlayın, biznesiniz üçün uyğun ERP yol xəritəsini birgə müəyyənləşdirək.

ERP ilə bağlı tez-tez verilən suallar

1. Texnologiya ehtiyacımıza uyğun həlləri necə seçirsiniz?

Hər bir müəssisənin iş modeli və inkişaf mərhələsi fərqli olduğuna görə biz ERP platformasını ayrıca deyil, bütöv texnoloji ekosistem şəklində nəzərdən keçiririk. Inlab olaraq, sizin üçün ən uyğun ERP, Müştəri münasibətlərinin idarə edilməsi (CRM), Anbar idarəetmə sistemi (WMS), analitika və inteqrasiya həllərini bir araya gətirərək real ehtiyaclara cavab verən sistem qururuq.

2. Həll seçimi necə müəyyən olunur?

İlk mərhələdə biznesinizin daxili proseslərini, strukturunu və böyümə planlarını analiz edirik. Daha sonra texniki və funksional uyumluluğa əsaslanaraq sizə uyğun modullardan və platformalardan ibarət fərdiləşdirilmiş texnologiya təklifi hazırlayırıq.

3. ERP sistemini sonradan genişləndirmək mümkündürmü?

Bəli. Təklif etdiyimiz sistemlər modul əsaslı və miqyaslana biləndir. İstifadəyə başladıqdan sonra istədiyiniz zaman yeni modullar, CRM funksiyaları, BI dashboard-lar və digər xüsusiyyətləri rahatlıqla əlavə edə bilərsiniz.

4. Mövcud proqramlarımızla uyğunluq problemi yaşanacaqmı?

Əksinə, biz mövcud proqram təminatınızı nəzərə alaraq ERP sistemini uyğunlaşdırırıq. Məqsədimiz, istifadə etdiyiniz sistemlərlə konflikt yaratmadan, onları vahid və effektiv bir platformada birləşdirməkdir. Bu yanaşma həm keçid prosesini asanlaşdırır, həm də əməliyyat fasilələrini minimuma endirir.

5. Texniki biliklərim olmadan da düzgün qərar verə bilərəmmi?

Əlbəttə. Inlab olaraq biz texniki detalları sadələşdirir, sizə biznes dili ilə danışırıq. Qərar verməniz üçün lazım olan hər bir məlumatı aydın, kontekstli və nəticəyə fokuslanmış formada təqdim edirik. Texnologiyanı biz anlayırıq, siz isə onun faydasını hiss edirsiniz.